एकदा देव माझ्या भक्तीने प्रसन्न झाला

एकदा  देव  माझ्या  भक्तीने 

प्रसन्न झाला 

‘मागून  घे  तुझ्या  आयुष्यातले 

सर्वात  मोठे  सुख ’ म्हणाला,

 मी  म्हणाले ,’मला  असे  सुख  नको 

जे  दु:खालाही  घेऊन  येईल,

असेही  सुख  नको 

जे  मला  माझ्यापासूनच  दूर  नेईल ’,

‘मला  असे  सुख  नको 

ज्याचे  मला  नवलच राहणार  नाही ,

इतके  सुख  नको 

ज्यामुळे  मला  दुसर्याच्या  वेदना  सुद्धा  कळणार  नाही ’,

‘मला  अशी  तृप्ती  नको 

जी  नव्या  अतृप्तीला  जन्म देईल ,

अशी  विश्रांती  नको 

जी  मेहनतीची  मजाच  हिरावून  नेईल ’,

‘मला  असे  सुख  दे 

ज्याला  दुखाची  झालर  राहील ,

असे  आणि  इतकेच  सुख  दे - 

थोडे  पूर्ण -थोडे  अपूर्ण  आयुष्याचे  गणित  राहील ’,

‘मला  दे  असे  समाधान 

जे  जन्मभर  तसेच  राहील ,

सारे  सोडून  गेल्यावरही  

शेवटपर्यंत  साथ  देईल …….....